طلال بن عبدالعزيز بن سعود بن عبدالعزيز الرشيد، شاعر سعودي ولد سنة 1962 بمدينة الموصل في العراق ، ولقبه (الملتاع )، له العديد من القصائد سأضع بعضهاهنا.<br><br>قالت قدر<br><br>قالت قدر و أقول يومك تبيني<br><br>غصبن على الدنيا يدك في يديني<br><br>لا تظلمين الوقت وش ذنب الأيام<br><br>لا تظلمين الحظ لا تظلميني<br><br>غديت مابين ارجا فيك واليأس<br><br>هذا يبي مني وهذا يبيني<br><br>إن قلت شمت وخاطري طاب كذاب<br><br>وان قالت أبيك ارخصت نفسي بعيني<br><br>خيرني أمري بين أصعب خيارين<br><br>موتي أنا أو موت الحساس فيني<br><br>لكن زماني المر علمني أني<br><br>أموت محني لجل قلبي جبيني<br><br>والله ما تلقين حبي مع الناس<br><br>روحي وها لأيام بينك وبيني<br><br>العواذل<br><br>حبيبتي كل العواذل تشابه<br><br>قلبٍ ظلام ووجه يشبه للأصحاب<br><br>ولا ما غدى لك صاحبٍ ينحكى به<br><br>لا تسمعي أن كان لك قلب وأحباب<br><br>إلى مشيت الدرب يلهث سرابه<br><br>وإلى سكنت الدار ناداني الباب<br><br>وشلون أنام وهم قلبي صوابه<br><br>والشوك ينبت بين جفنين وأهداب<br><br>تعبت امني .. الأسئلة بالاجابة<br><br>وانطر شروق الشمس والشمس بغياب<br><br>وتعبت أناظر والمعنى عذابه<br><br>أنك بعيده والملا دونك حجاب<br><br>اجمع كلام وما أعرف الإجابه<br><br>وعندي شعور صدق والوقت كذاب<br><br>كل النجوم اللي امطرت من سحابه<br><br>حبيبتي دمعك جرح قلب واتراب<br><br>واللي وقف ما بين بابي وبابه<br><br>قلبٍ ظلام .. ولابس ثوب الأصحاب<br><br>باقي الخلق في كف<br><br>انتي بكف وباقي الخلق في كف<br><br>متعليه في وسط قلبي ولك شان<br><br>في غير وصلك مالقلبي ترى شف<br><br>محتاج لك يانور عيني وشفقان<br><br>لا جابوا اسمك صرت انا تقل مختف<br><br>مالي على نفسي الى اطروك سلطان<br><br>من غير حبك غضت عيوني الطرف<br><br>ياللي جمالك صار للزين عنوان<br><br>اريد انا قربك ترى ياغذا الحرف<br><br>وان ماحصل موتي ودنياي سيان<br><br>جتني<br><br>جتني وشافتها عيون حايرات<br><br>ذا شعاع الشمس او هذا سناها<br><br>ضاعوا اللي جوا معاها مسيرات<br><br>واقبلت تمشي تقل محدٍ معاها<br><br>ياسنا الفضه وياجيد المهات<br><br>ياشذى نبت الخزامى في وطاها<br><br>قلت كن بوجنتك زهر النبات<br><br>قالت ان الرمش يجرح لي صفاها<br><br>تجرح الظلما عيون ناعسات<br><br>سلهمت وأغضت تغطرس في بهاها<br><br>حققوا بالشوف في لون الشفاة<br><br>هو خذا منها الشفق والا عطاها<br><br>ولو ظلام الليل يعطينا ثبات<br><br>فيه من لون الشعر والا كساها<br><br>كيف أباصف زين كاملة الصفات<br><br>كيف أباصل في حروفي منتهاها<br><br>ذكرى الفراق<br><br>اليوم ذكرى الفراق ومرت اول سنه<br><br>اليوم لي عام متغرب وحيد وحزين<br><br>اليوم انا ضيف جرحي جيت باطمنه<br><br>اني جمعت الدموع وجبت امانة امين<br><br>ما يجرح الصادق الا غدر من يامنه<br><br>لا جت من احباب قلبك لا تلوم السنين<br><br>مليت من هالاماني دام مهي ممكنه<br><br>لاهي تحقق ولا ياسي بوجهي يبين<br><br>لوين انا وانت مثل الشمس والازمنه<br><br>مع كل صبحٍ يجددني لشمسك حنين<br><br>لا قلت احبك احبك كنها دندنه<br><br>او كنها وردةٍ مابين اصابع جنين<br><br>يا اجمل الناس لك بين الملا هيمنه<br><br>كثير غيرك ولكن مين مثلك و وين<br><br>يا عاذلي خذ عيوني يمكن تثمنه<br><br>تشوف عيبه وانا اشوفه ملاك حسين<br><br>امس افترقنا وانا احسب مرت اول سنه<br><br>يا طولها ليلة الفرقا سنة للحزين