هنا سأضع لك بعضاً من أشعار الحب النبطية<br><br>كتبت الشعر من قلبي وخطّيته على صفحات تنزف حبرها الدامي<br><br>كتبته والشعر من يوم ناديته. لفاني وحطّ معنى القاف قدّامي<br><br>وانا من خيرته طبت وتنقّيته وميٍّزت الحروف بلحن وانغامي<br><br>وجاذبته وخفّضته وعلّيته ورتّبته وخطّيته بالاقلامي<br><br>ولي ما يستوي بالشعر سوّيته وفي شعري تحقق كل الاحلامي<br><br>عطاني الله زمامه ثم تلّيته. وطاوعني ولا يرفض لي أحكامي<br><br>ألا يامن على العربان بدّيته وعن غيره تميّز ريم الاريام<br><br>فلا شفت الذي مثله ولا ريته كمَل والكامل الله رب الآنامي<br><br>ألا يامن فوادي الميّت أحييته. بطيب القلب مع أخلاق الاحشامي<br><br>وكل الحسن عن غيرك تولّيته. حرام اترك لهم لا اتصيبك آثامي<br><br>كتبت الخط لك صافي وعنّيته. جداكم يا سليل الناس الاكرامي<br><br>كتبته ومن دعاني الشوق لبّيته وانا من لي سواكم يسعف آلآمي<br><br>أنا لولاك باب الحب ما جيته ولا غامرت في بحره الذي طامي<br><br>ولا سجلت به نبضي وغنّيته على ألحان قلبي المولع الظامي<br><br>وذا العالم على شانك تحدّيته ولا همّتني احدوده والايامي<br><br>وهذ الشعر في حرفه وفي بيته. كتبته من معاني شخصك السامي<br><br>وكفّ الشعر لك بالحب مدّيته تفضّل ذوق طعم الحب واهيامي<br><br>لأنك صرت له الاسباب ناديته وهذا ردّ فعل القلب ما ايلامي.<br><br>اللي يقول الحب ولى زمانه------مايدري ان الناس مايستووني<br><br>صحيح بعض الناس خان الامانه-----لكن بعظهم مانوى انه يخوني<br><br>الحب بقلوب البشر له مكانه-----البعض صانه والبعض مايصوني<br><br>اللي يصونه يهتني في كيانه-----يلقى لطعمه الف شكل ولوني<br><br>يعيش فيه ويرتوي من حنانه-----ولا يظن بسيئات الظنوني<br><br>واللي ماصانه صار محبط وهانه-----يقول ولى قبل جيله يجوني<br><br>ماغير يسمع فيه ياليل ادانه-----يفكره روتين ولا فنوني<br><br>مايدري ان الحب عظيم شانه------ممزوج بارواح البشر والشجوني<br><br>الحب اكبر من مجرد ميانه-----ماهو كلام اعجاب شخص يموني<br><br>الحب يلوي القلب كالخيزرانه-----ويميله يم الحبيب الفتوني<br><br>غصبٍ عليك الحب يفلت عنانه------ماينتظر جوارحك يأذنوني<br><br>بس البشر فيهم جحود ولعانه-------ون صادفك مكروه جو يشمتوني<br><br>والحب ماله ذنب يقتل عشانه------بعض البشر للحب مايرحموني<br><br>اما البعض ..فالحب فيهم ديانه----واحبابهم بقلوبهم يسكنوني<br><br>هذا جوابي ..يامدور بيانه-----كل البشر للحبمايستووني